Laerskool Concordia Kultuur

Kunswedstryd

Laerskool Concordia gee huidiglik erkenning vir deelname aan die volgende kunswedstryde:

• Bruis
• Con Spirito
• Con Spirito Forte
• Dell ‘Arte
• Vivarte
• Radikale Lees
• Een ander kunswedstryd van u keuse

Redenaars

Deelnames:

• Laerskool Concordia se Interne Redenaars Eerste Uitdunronde tydens die Eerste Kwartaal.  Graad 1 – 7 bied jaarliks ‘n klastoespraak aan volgens die ATKV-onderwerpe.  Leerlinge wat se toesprake voldoen aan die nodige vereistes, neem deel aan die Eerste Uitdunronde.  Ons leerlinge word ook baie sterk aangemoedig om van Graad 2 af aan die Onvoorbereide ronde deel te neem.  Ouers mag in Graad 2 & 3 hul kinders help voorberei.
• Laerskool Concordia se Interne Public Speaking Eerste Uitdunronde tydens die Tweede Kwartaal.  Dieselfde werkswyse as met die Afrikaans gevolg.  Onvoorbereide afdeling ook van Graad 2 – 7.
• Laerskool Concordia se Finale Uitdunronde vind tydens die Derde Kwartaal plaas waar ± 10 leerlinge per graad deelneem (afhangende van die aantal deelnemers in elke graad)
• ATKV-deelname : Slegs ‘n sekere aantal leerlinge mag deur die skool ingeskryf word volgens die skool se getalle.
• Interskole Redenaarsliga : Ouers skryf self hiervoor in.  Alle leerlinge wat aan die skool se uitdunrondes deelgeneem het, mag hiervoor inskryf(Voorbereid sowel as Onvoorbereid).  Die Streeksuitdun vir Afrikaans vind gedurende die Tweede kwartaal plaas
• Die Interschools Public Speaking First Round vind tydens die Derde kwartaal plaas. 
• Die Interskole Redenaars Landsfinaal vind gedurende die Derde kwartaal plaas.
• Radikale Redenaars : Ouers skryf self hiervoor in.  Tydens die eerste uitdun word video’s van die leerlinge se toesprake ingestuur.  Die leerlinge wat deurdring na die Semi-Finale Uitdun asook die Landsfinaal vind in persoon plaas by gasheerskole.

SPANREDENAARS & TEAM SPEAKING

Laerskool Concordia se leerlinge wat aan die skool se uitdunronde deelgeneem het, word op meriete vir die spanne oorweeg.

Koor

Koor is goed vir jou kind omdat dit nie net hul musikale vermoëns ontwikkel nie, maar ook selfvertroue, dissipline en spanwerk bevorder. Deur saam met ander te sing, leer kinders hoe om na mekaar te luister, hul stem te beheer en saam te werk om 'n gemeenskaplike doel te bereik. Dit verbeter hul kommunikasievaardighede en gee hulle 'n gevoel van behoort. Boonop het studies getoon dat musiek vorm deel van breinontwikkeling en selfs akademiese prestasie kan ondersteun. Koor is dus 'n waardevolle en vreugdevolle ervaring vir enige kind.

• Junior koor oefen elke Maandag 17:00-18:00
• Senior koor oefen elke Woensdag 17:00-18:00

Ons kore neem deel aan Dell Arte, Vivarte en Conspirito. Ons senior koor neem ook deel aan ATKV Applous.

Spreekkore

Junior en Senior Spreekkore neem jaarliks deel aan die onderskeie kunswedstryde.  Die aantal spreekkore word bepaal deur die hoeveelheid leerlinge wat wil deelneem.

Drama en redenaarsklasse

Artkloppies Dramaskool vind op Donderdagmiddae hier by die skool plaas.  Ouers betaal self vir hierdie afrigting. 

Die klasse vind van 13 : 00 tot 16 : 00 vir die onderskeie leerlinge en ouderdomsgroepe plaas.

Debat

Laerskool Concordia se Graad 6 & 7- leerlinge neem vanaf 2023 deel aan Con Spirito se Debatskompetisie.  Daar is elke jaar leerlinge wat deurdring na die Semi-Finaal en Landsfinaal afdeling.  Debatspanne word saamgestel uit ons gladdebek-redenaars en slimkoppe.

Toneel

Leerlinge wat aan Toneel wil deelneem neem deel aan oudisies vir die ATKV Tjokkertoneel. 

Artkloppies

Dramaskool se toneel wat onder die Spraak-en Dramagilde deelneem, akkommodeer die hele dramastudio se leerlinge en vind plaas tydens die Vierde Kwartaal (Desember).