LAERSKOOL CONCORDIA

SEDERT 1937

WELKOM BY LAERSKOOL CONCORDIA

Baie welkom by ons webblad, ‘n geleentheid waar u ons skool, sy mense en omgewing sal beleef en ervaar. Ons is verheug oor u voorneme om u kind deel van Laerskool Concordia en sy mense te maak. Aangesien u die toekoms van u kind bepaal, is dit belangrik dat u die regte keuse sal maak. As ouer wil u net die beste vir u kind hê!

Laerskool Concordia is nie net die TROTS van Boksburg nie, maar ook die skool waarop u en u kind sal trots wees. Hier word ons kinders geleer om hul historiese en kulturele erfenis te ag en te respekteer asook om die beginsels voluit te leef. Hier by Laerskool Concordia streef ons daarna om elke leerling as ‘n totale persoon te ontwikkel met ‘n gesonde balans tussen al die verskillende fasette wat ons hier aanbied.

Ons stel ons-self diensbaar en tot beskikking van ons gemeenskap en tot voordeel van ons mees kosbaarste besittings – ons kinders. Wees verseker dat u kind ons grootste prioriteit is en dat ons op alle gebiede sal poog om u kind gelukkig te hou. Ons hoof-doel is om u kind te onderrig en op te voed en in totaliteit te vorm.

Om ’n kind by ’n skool in te skryf, bly maar ’n groot gebeurtenis. U vertrou ons met u kosbaarste besitting en dit is ons wens dat ons hierdie vertroue waardig sal wees.

BRIEF VAN DIE HOOF

School Principal

Welkom!

Wat ‘n voorreg om betrokke te wees by ‘n spogskool soos Laerskool Concordia.

Ons skool bestaan vanaf 1937. . . ‘n skool met ‘n ryke erfenis. As mense terugstap op die geskiedenisspoor, is daar slegs een ry spore, wat getuig van God wat ons dra. Sy genade en seen is sentraal in alles wat ons bereik.

Die skoolwapen – 2 harte wat saam klop – spreek van die warnte en innigheid waarmee die Concordia-gemeenskap mekaar hanteer.

As hoof is dit my begeerte dat elke Corrie iewers sal nesskop en sodoende hul Godgegewe talente ontdek en uitleef – hetsy op akademiese-, sport- en kultuurgebied.

Concordia en sy leerkragte meld aan om ‘n verskil te maak in u kind se lewe.

Concordia-groete

Mnr. C. Blignaut

GESKIEDENIS

logo default

SEDERT 1937

Op 3 Augustus 1937 open Mr. G.J. Malan (Eerste Hoof) die skool met 39 leerlinge en twee personeel lede. Daardie dag notuleer die hoof: “Geen enkele boek in voorraad. Hier is nog geen enkele meubelstuk nie, die leerlinge sit op die vloer en die onderwysers staan. Later arriveer 5 stoele.” Aan die begin van Mnr. Malan se dienstermyn, kry hierdie skool sy naam, naamlik Concordia.

Die skool is vernoem na een van die koshuise op Heidelberg (Transvaal) onderwyskollege se kampus.

Concordia dien reeds 80 jaar ‘n baie besonderhede gemeenskap en het gegroei na die pragtige skool wat dit nou is. As ons terug kyk na al na al die goeie werk wat in die verlede hier gedoen is, bring ons hulde aan ons voorgangers.

VISIE

Die skool wat ‘n verskil maak in U kind se lewe.

Die skool waar elke leerder iemand is.

Die skool vir die kind, nie die kind vir die skool nie.

 

tuis con

MISSIE

Ons strewe na ‘n Visie wat:

Die Hemelse Vader bo alles eer

Trots is op sy/haar skool met al sy tradisies en gebruike

Gebalanseerd, betrokke is en so goed as moontlik presteer

‘n Netjiese, gedissiplineerde, gemotiveerde, hoflike en verantwoordelike leerder is

Gesag aanvaar en ons Naskool in alle opsigte eerbiedig

Ten einde van sy/haar skoolloopbaan by ons, ten volle toegerus sal wees vir die lewe daar buite en die geweldige eise van die toekoms.

NASKOOL

Fooistruktuur & Besigheidsure

naskool

Kontak ons vir meer informasie oor ons Naskool Sentrum.

Klik hier om ons D6 kommunikeerder af te laai

Kontak ons gerus vir meer informasie

Word deel van die Corrie-familie

    Belangrike E-Pos adresse:

    Departement Kontak persoon E-pos adres
    Skoolhoof Mnr Blignaut hoof@lsconcordia.co.za
    Adjunkhoof Mnr Claassen adjunkhoof@lsconcordia.co.za
    Dept Hoof GLF Me Wright junior@lsconcordia.co.za
    Dept Hoof Senior Me Marais senior@lsconcordia.co.za
    Sekretaresse Me Botha cordia@lsconcordia.co.za
    Finansies Me Fos finansies@lsconcordia.co.za
    Invorderings Me Britz invorderings@lsconcordia.co.za
    Ontvangs Me Jansen ontvangs@lsconcordia.co.za
    Beheerliggaam Me Jv Rensburg beheerliggaam@lsconcordia.co.za